في خطوة غير متوقعة، طرحت شركة أورنج إعلان نجم الغناء الأول في العالم العربي عمرو دياب، حيث يقدم فيه مجموعة من أشهر أغانيه، وذلك بعد فترة طويلة كان الهضبة فيها هو نجم إعلانات شركة فودافون، وتم طرح الإعلان تحت شعار “عمرو دياب مش بس رقم واحد.. دا قصه حياتنا من أكبر.. لأصغر واحد.. أهلاً بعمرو دياب.. أهلاً برقم واحد”، وسيظهر عمرو دياب في حفله بالساحل الشمالي بعد يومين برعاية أورنج.
وقد استقبل عملاء شركة أورنج هذه المفاجأة بفرحة كبيرة، ومنهم من قال ” 3 لقطات خلوني اتأثرت في إعلان أورنج للترحيب بالهضبة عمرو دیاب، الستات على عربية ربع نقل مع العفش وبيغنوا ليلي نهاري، الطلبة في الرحلة وبيغنوا العالم الله، الزفة في المركب وأغنية شوقنا، منتهى البهجة في اللقطات دي اللي بتبين تنوع أغاني عمرو دياب وإن حرفيا، كل مناسبة حلوة في حياتنا هنلاقي لها أغنية تليق عليها.. بالذات الحالات الثلاثة دي.. فرح يبقى “شوقنا أكثر شوقنا” طبعا .. رحلة؟ عايزين نهيص ده اللي عيونه دوبوني والله.. هالا هالا هالاااا”.. حتى في نقل العفش والستات بتسقف على سقفة أغنية ليلي نهاري أشهر سقفة في تاريخ الأغاني”.
وآخر قال “الإعلان دا جامد اوى .تختلف أو تتفق عمرو دياب حكاية جيل كامل ذكرياتنا كلها عبارة عن أغنية”.
